ABŞ-da bıçaqla hücuma məruz qalan məşhur yazıçı Salman Rüşdi əməliyyat olunub. Bu barədə Reuters agentliyinə onun agenti Endryu Uayli məlumat verib.
Rüşdi avqustun 12-də Nyu-Yorkun Çautakva şəhərində mühazirədən əvvəl hücuma məruz qalıb.
Bir neçə saat davam edən əməliyyatdan sonra Rüşdi süni nəfəs aparatına qoşulub.
" Salmanın bir gözünü itirmək ehtimalı var. Qolunun əsəbləri kəsilib, qaraciyəri zədələnib", - agent bildirib.
Polis artıq hücum edənin şəxsiyyətini müəyyənləşdirib - bu, Nyu Cersidən olan 24 yaşlı Hadi Matardır. Hücumun motivləri hələlik məlum deyil, FTB tərəfindən araşdırma aparılır.
visiontv.az