Bağla
Axtarış sözünü daxil edin
Mariya Peyçinoviç Buriç 9 aprel 1963-cü ildə anadan olub. Sağ mərkəzçi Xorvatiya Demokratik İttifaqı partiyasının Xorvat siyasətçisi , Xorvatiya Demokratik İttifaqı partiyasının başçısı və Xorvatiya Xarici İşlər naziri olub. O , Kolinda Qrabar-Kitaroviç və Vesna Pusiçdən sonra xarici işlər naziri postunu tutan üçüncü qadın olub. O, əvəllər 6-cı seçki dairəsini təmsil edən VI Assambleyasında (2008-2011) Parlamentin üzvü kimi fəaliyyət göstərib.
26 iyun 2019-cu ildə o, Belçikanın xarici işlər naziri Didye Reyndersi 159 səsə qarşı 105 səslə məğlub edərək Avropa Şurasının 14-cü Baş katibi seçildi. Peyçinoviç Buriçin səlahiyyət müddəti 18 sentyabr 2019-cu ildə başlayıb.
Dövlət sektorunda karyera:
2000-ci ildə Peyçinoviç Buriç Xorvatiyanın Avropaya İnteqrasiya Nazirliyində nazir köməkçisi təyin edilib. 2001-ci ildə o, Aİ-Xorvatiya Sabitləşdirmə və Assosiasiya Sazişi üzrə danışıqlar qrupuna daxil edilib . 2003-cü ildən Xorvatiya Diplomatik Akademiyasının seminarlarında Avropaya inteqrasiya üzrə mühazirəçi kimi çalışıb.
2004-cü ildə Peyçinoviç Buriç Baş nazir İvo hökumətində nazir Miomir Juzulun rəhbərliyi altında Avropaya İnteqrasiya Nazirliyində dövlət katibi, növbəti il isə Xarici İşlər və Avropa İnteqrasiyası Nazirliyində Avropa İnteqrasiyası üzrə Dövlət Katibi vəzifəsinə təyin edildi. O, 2004-2006-cı illərdə Qoşulmadan əvvəl Struktur Siyasət Aləti proqramları üzrə Milli Koordinator, Aİ ilə Yardım Proqramları və Əməkdaşlıq üzrə Milli Koordinator, habelə kapitalın sərbəst hərəkəti üzrə işçi qrupunun üzvü kimi fəaliyyət göstərib.
2006-cı ildən isə Xorvatiyanın Aİ-yə üzvlüyü ilə bağlı danışıqlar qrupunun üzvü və Xarici Əlaqələr, Xarici, Təhlükəsizlik və Müdafiə Siyasəti, İnstitutlar və Digər Məsələlər üzrə mübadilə bölmələrinin müzakirəçisi olub. Həmçinin Aİ-Xorvatiya Sabitləşdirmə və Assosiasiya Komitəsinin Xorvatiya üzrə sədri olub. Və Xorvatiya - Baden-Vürtemberq Qarışıq Komissiyasının sədri olub.
Bünyamin Bünyadzadə
Visiontv.az
