Bağla
Axtarış sözünü daxil edin
Səhiyyə Nazirliyi Psixi Sağlamlıq Mərkəzinin psixiatrı Aydan Cabbarova imtahanlarla bağlı uşaqların keçirdiyi stress və valideynlərin onlardan böyük gözləntilərinin olmağı məsələsinə münasibət bildirib.
Visiontv.az APA-ya istinadən xəbər verir ki, Aydan Cabbarova deyib ki, ən çox mart, aprel aylarında müəyyən yaş qrupunda olan uşaqların imtahan stressi ilə bağlı müraciətləri olur:
“Valideynlər övladlarından gözləntilərini onlara uyğunlaşdırmalıdırlar. Hamı istəyər ki, ailə üzvlərinin uğurları ideal olsun. Amma imtahan nəticələri ilə bağlı valideynin gözləntisi uşağının resursuna uyğun olmalıdır. Uşağa yüklənməklə onun resurslarını tükədirik, depressiya yaradırıq. Valideynlər uşaqları düzgün qiymətləndirməlidir ki, gözləntisi də ona uyğun olsun. Uşaqların istedadı, marağı, ya da əksinə marağı olmadığını üzə çıxarmaq lazımdır”.
