Hikmət Mirzəyev, Zaur Cavanşir və Tehran Mənsimov mükafatlandırıldı
Videonu Aç
24.06.2021

Prezidenti İlham Əliyev Silahlı Qüvvələrin hərbi qulluqçularının təltif edilməsi haqqında sərəncam imzalayıb.

Visiontv.az xəbər verir ki, təltif olunan hərbi qulluqçular arasında Xüsusi təyinatlı qüvvələrin komandanı, general-leytenant Hikmət Mirzəyev və Şuşanın ilk komendantı, general-mayor Zaur Cavanşir (Məmmədov) də var.

Hər iki general “Xocavəndin azad olunmasına görə” medalı ilə təltif edilib.

Bundan başqa, təltif edilənlər arasında Naxçıvan Əlahiddə Ümumqoşun Ordunun Döyüş Hazırlığı və Tədris İdarəsinin rəisi, polkovnik Tehran Mənsimov da yer alıb. Polkovnik “Füzulinin azad olunmasına görə” və “Xocavəndin azad olunmasına görə” medalları ilə təltif edilib.

Qeyd edək ki, Prezident İlham Əliyev Silahlı Qüvvələrin hərbi qulluqçularının “Qubadlının azad olunmasına görə”, “Xocavəndin azad olunmasına görə”, “Cəbrayılın azad olunmasına görə”, “Zəngilanın azad olunmasına görə”, “Füzulinin azad olunmasına görə” və “Şuşanın azad olunmasına görə” medalları ilə təltif olunması haqqında sərəncamlar imzalayıb.