Azərbaycanda 12 yaşdan yuxarı vətəndaşlar üçün İKT təqaüd proqramı başlayır
31.01.2023

İnnovasiya və Rəqəmsal İnkişaf Agentliyinin (İRİA) təşkil etdiyi “Technest” Təqaüd Proqramı yeni tədris ilinə start verib.

Bu barədə Visontv.az-a Agentlikdən bildirilib. Bildirilib ki, tədris ili çərçivəsində Bakı şəhəri üzrə 2-ci qeydiyyat dalğası elan edilib. Qeydiyyat ölkənin İKT sahəsində 10-dan çox aparıcı tədris mərkəzinin təqdim etdiyi 50-ə yaxın ixtisas üzrə aparılacaq. Proqram üzrə 2023-cü ilin ilk rübündə 1000-dən çox, il ərzində ümumilikdə isə Azərbaycan üzrə 3000 nəfərə təqaüdün verilməsi planlaşdırılır.

Qeydiyyatdan keçən şəxslər müsabiqə mərhələlərindən keçərək təqaüdə cəlb olunacaq və göstəricilərindən asılı olaraq təqaüd qazanan şəxslərin təhsil haqqlarının 70, 90 və 100%-i “Technest” tərəfindən təmin olunacaq.

Qeyd edək ki,Bakı dalğasının 2-ci mərhələsində qeydiyyat yeni tərəfdaşların təklif etdiyi ixtisaslar üzrə aparılacaq. Son qeydiyyat tarixi 10.02.2023-cü ildir. Qeydiyyat və ixtisaslarla bağlı ətrafı məlumat əldə etmək üçün aşağıdakı linkə daxil ola bilərsiniz:

https://technest.idda.az/

Xatırladaq ki, ‘’Technest’’ Təqaüd Proqramı çərçivəsində İRİA İKT sahəsində tədris prosesinin peşəkar və səmərəli təşkilini həyata keçirir.Hər kəs üçün əlçatan təhsil imkanı yaradan proqramdan 12 yaşdan yuxarı Azərbaycan vətəndaşları faydalana bilər. Proqram çərçivəsində İKT üzrə ixtisalaşmış 12 aparıcı təlim mərkəzi ilə 50-ə yaxın ixtisasın tədrisi həyata keçirilir. 2022-ci il üzrə‘’Technest’’ Təqaüd Proqramı çərçivəsində təqaüd qazanan şəxslərin sayı 618, işəqəbul əmsalı 90% təşkil edir