Türkiyədə sosial şəbəkələrlə bağlı sərt qanun qəbul olundu
29.07.2020

Türkiyədə hakim AKP partiyası tərəfindən hazırlanan sosial şəbəkələrin tənzimlənməsi ilə bağlı qanun təklifi parlamentdə AKP və MHP millət vəkillərinin səs çoxluğu ilə qəbul edilib.

Visiontv.az "Sözcü" qəzetinə istinadən xəbər verir ki, qanun təklifinə görə istifadəçi sayı 1 milyondan çox olan sosial şəbəkələr Türkiyədə ən az bir nəfərdən ibarət nümayəndəlik açmalıdır. Sözügedən nümayəndəlik sosial şəbəkələrdə yayılan təhqir, böhtan, terror və ya narkotik maddələrin təbliği xarakterli paylaşımlara görə məsuliyyət daşıyacaq.

Qanun layihəsi bir sıra müxalif partiyalar tərəfindən söz və fikir azadlığının məhdudlaşması kimi qiymətləndirilir. Qanunun bu gün Türkiyə Prezidenti Rəcəb Tayyib Ərdoğan tərəfindən təsdiqlənəcəyi gözlənilir.