Sosial şəbəkə "bəyənmə"ləri yığışdırır
20.04.2019

Sosial şəbəkə "bəyənmə"ləri yığışdırır

Məqsəd odur ki, istifadəçilər "bəyənmə"lərə deyil, öz paylaşımlarına diqqətli olsunlar

"Instagram" sosil şəbəkəsi öz istifadəçilərinə bir-birilərinin paylaşımlarında olan "bəyənmə"ləri görməyi qadağan etməyin yolunu düşünür.

Dizaynda dəyişikliyin test edilməsi barədə mobil tətbiqlər üzrə ekspert Ceyn Mançun Vonq danışıb.

Onun sözləinə görə, sosial şəbəkə çalışır ki, istifadəçilər "bəyənmə"lərə deyil, öz paylaşımlarına diqqətli olsunlar. Vonq bu dəyişkiliyin əks edildiyi fotonu öz "Tvitter" səhifəsində də paylaşıb

"Instagram" sosial şəbəkəsi isə, Vonqun paylaşdığı fotonu təsdiqləyib. Amma bildirilib ki, dəyişiklik hələ test edilmir. Buna baxmayaraq, bu dəyişikliyin yaxın zamanlarda tətbiq ediləcəyi də istisna olunmur.

Qeyd edək ki, "bəyənmə"lərin çox olması üçün bəzi istifadəçilər az qala yarışa çıxırlar. Məşhurluğa görə, istifadəçilər "bəyənmə"ləri pulla almağa, daha cəzbedici fotolar paylaşmağa çalışırlar. Eyni zamanda, bir-birini "bəyənmək" üçün qruplar yaradılır.

xezerxeber.az