Bağla
Axtarış sözünü daxil edin
Elə bilirsiniz ki, Solovyov üzr istəyib?
Solovyov kimi adamların Azərbaycana nifrətinin dərəcəsi onun islah olunması üçün yetərli deyil. Solovyov, Simonyan, Kesoyan, Babayan və digərləri rus imperiyasına köpək sadiqliyi nümayiş etdirən etnik kölələrdir. Onların Azərbaycana həm erməni kimi nifrət edirlər, həm də rus şovinisti kimi. Ona görə Solovyovun üzürxahlığı, Molla Nəsrəddin demişkən etdiyi əməldən daha betərdir.
Etdiyi əməl bəlli: Qarabağda yaşayan hansısa separatçı dığanı efirinə çıxrdıb, müsahibə götürüb. Və bu müsahibə heç kimin diqqətini çəkməyib.
Üzürxahlığı isə diqqəti çəkdi. Həmin dığanı Azərbaycanın rəsmi orqanlarının nümayəndələri ilə eyni səviyyədə təqdim edərək, guya obyektv jurnalist kimi özünü, efirdə balans yaratmamaqda, qarşı tərəfə söz verməməkdə "ittiham" etdi. Bu "üzürxahlı"ğın Lavrovun Bakıda informasiya təhlükəsizliyi ilə bağlı imzaladığı sazişlə heç bir əlaqəsi yoxdur. Dediyim kimi Solovyovun bu hiyləgər addıma "Dağlıq Qarabağın xarici işlər naziri" dediyi separatçını qarşı tərəf (Azərbaycanın rəsmi qurumlarının nümayəndəsi) ilə eyni səviyyəyə qoymaq idi. Buna da nail olmağa çalışdı.
Biz isə sevinirik ki, Solovyov ağıllanıb bizdən üzr istədi. Və yaxud Lavrovun imzası öz təsirini göstərdi. Boş şeydir...
Şöhrət El-Dəniz
visiontv.az
