Özbəkistan KOB evləri və KOB inkişaf mərkəzlərinə maraq göstərir
27.10.2021

Oktyabrın 27-də Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ilə Özbəkistan Prezident Administrasiyası yanında İqtisadi Təhlil və İslahatlar Mərkəzinin rəhbəri Obid Hakimov arasında görüş keçirilib.

Azərbaycan İnvestisiya və Mədəniyyət Sammiti çərçivəsində təşkil olunmuş görüşdə Agentliyin sahibkarlara göstəridiyi dəstək və xidmətlər barədə məlumat verilib. Özbəkistan nümayəndə heyəti Kiçik və Orta Biznes evləri (KOB evləri) və KOB inkişaf mərkəzlərinin (KOBİM) fəaliyyətinə xüsusi diqqət göstərib və bu sahədə KOBİA-nın təcrübəsinin öyrənilməsinə marağını ifadə edib.

Görüşdə həmçinin, qarşılıqlı maraq kəsb edən digər məsələlərə və əməkdaşlıq perspektivlərinə dair fikir mübadiləsi aparılıb.

Visiontv.az