İlham Əliyevin növbəti dəfə Azərbaycan Prezidenti seçilməsindən 4 il keçir: Nəticə göz qabağındadır
İlham Əliyevin növbəti dəfə Azərbaycan Prezidenti seçilməsindən 4 il keçir: Nəticə göz qabağındadır
11.04.2022 Nəsib Məhəməliyev Tərəfindən

Xalqın inandığı və TARİX yazan LİDER.

11 aprel 2018-ci il seçkilərindən 4 il ötür. Azərbaycan xalqı, artıq o dövrə qədər sınanmış,  beynəlxalq müstəvidə nüfuz qazanmış  İlham Əliyevə növbəti dəfə etimad göstərdi və  mütləq səs çoxluğu ilə onu özünə Prezident seçdi.

On beş il ərzində güclü iqtisadiyyatın yaradılması, həyata keçirilən transmilli, ixrac neft-qaz layihələri, Avropa və Asiya qitələrini birləşdirən Bakı-Tbilisi-Qars dəmiryolu, Bakı şəhəri ilə yanaşı regionların proporsional sosial-iqtisadi inkişafını təmin edən Dövlət proqramlarının icrası, minlərlə təhsil, səhiyyə, mədəniyyət, istehsal müəssisələrinin, idman-olimpiya komplekslərinin, inzibati bnaların inşası, əsaslı təmiri, 15 min km. maqistral yolların, körpülərin tikintisi, geniş miqyaslı abadlıq-quruculuq, yaşıllaşdırma işlərinin aparılması, İKT-n tətbiqi, 2016-cı ilin aprel döyüşlərində ,,məğlubedilməz erməni,, mifini darmadağın edən güclü Ordunun formalaşdırılması və s. İlham Əliyevin yenidən seçilməsini şərtləndirdi. Prezidentin apardığı sistemli siyasət nəticəsində Azərbaycanın siyasi xəritəsində 70-ən çox biri-birindən gözəl, abad şəhər və qəsəbələr meydana gəldi. Əhalinin elektrik enerjisinə, qaz təminatına, içməli və texniki  suya olan tələbatının ödənilməsi  istiqamətində görülən işlər, İlham Əliyevə xalq arasında qeyri-rəsmi olaraq “QURUCU İLHAM” statusu qazandırdı.

İlham Əliyevin uğurlarının kökündə duran əsas faktor, onun sadəliyi, vətənpərliyi, xalqına olan sevgisidir. Azərbaycanın beynəlxalq müstəvidə bütün göstəricilərdə öndə olması üçün gecə-gündüz yorulmadan çalışmasıdır.

Bütün bunlarla yanaşı düşünürəm ki, hər bir dövlət Başçısı üçün əsas vəzifələrdən biri, rəhbərlik etdiyi cəmiyyətin İDEYA BİRLİYİNİ,  MİLLİ BİRLİYİNİ təmin etməkdir. Cəmiyyətdə ideya birliyinin, milli birliyin  olmaması, ölkədə ictimai-siyasi sabitliyin pozulmasına səbəb ola bilər. Milli Birlik olmadan, xarici qüclərə qarşı mübarizə aparmaq mümkün deyil.

Xalqımızın Milli Birliyin gücünü, 44 günlük Vətən müharibəsində bütün dünya gördü. 10 milyonluq Xalq, etnik mənsubiyyətindən, dinindən, siyasi əqidəsindən asılı olmayaraq, Prezident, Ali Baş Komandanın İlham Əliyevin ətrafında yumruq kimi birləşdi. Nəticə göz qabağındadır. Bu gün İlham Əliyev şəxsiyyəti ilə super dövlətlərin, nüfuzlu beynəlxalq təşkilatların liderləri hesablaşırlar. Xalqın dəstəyi və Prezident İlham Əliyevin peşəkar  diplomatik qabiliyyəti, intellekti, savadı milli, dövlət maraqlarımızın təminatçısıdır.

Prezident İlham Əliyev heç şübhəsiz, Azərbaycanın ən uğurlu Lideri kimi adını tarixə qızıl hərflərlə yazdırdı. Olduqca mürəkkəb geosiyasi şərtlər daxilində Qarabağın, ələlxüsus Şuşanın işğaldan azad olunması, ancaq və ancaq Uca Allah tərəfindən seçilmiş Liderlərin bəxtinə yazıla bilər. İlham Əliyev isə, məhz belə Liderdir.

Hal-hazırda dünyada və regionda mürəkkəb proseslər baş verir. Prezident  İlham Əliyevin timsalında proseslərin önündə getməsi, Azərbaycanın daha da gücləndirir, beynəlxalq birlik qarşısında söz sahibinə çevirir.

Ölkəmizin xoşbəxt gələcəyi naminə UĞURLAR, cənab Prezident!!!

Millət vəkili Nəsib Məhəməliyev

Visiontv.az