Bağla
Axtarış sözünü daxil edin
Azərbaycanda anasını qətlə yetirməkdə ittiham olunan 16 yaşlı İdeal Məmmədzadənin cinayət işi üzrə məhkəmə istintaqı başa çatıb.
Bakı Ağır Cinayətlər Məhkəməsində keçirilən iclasda dövlət ittihamçısı çıxış edib. Prokuror İdeal Məmmədzadənin verilmiş ittihamla təqsirli bilinərək 7 il 6 ay azadlıqdan məhrum edilməsini istəyib.Hadisə ötən ilin aprel ayında metronun “Neftçilər” stansiyasının yaxınlığında qeydə alınıb.
Rəsmi məlumata görə, aprelin 20-si saat 12 radələrində paytaxtın Nizami rayonu ərazisində 1985-ci il təvəllüdlü Ülviyyə İsmayılovanın aldığı xəsarətlərdən ölməsi barədə rayon prokurorluğuna məlumat daxil olub.
Aparılan ilkin araşdırmalarla zərərçəkmişin 2007-ci il təvəllüdlü oğlunun qısqanclıq zəminində anası Ülviyyə İsmayılovaya bıçaq xəsarətləri yetirərək qəsdən öldürməsinə əsaslı şübhələr müəyyən edilib. Faktla bağlı Nizami rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Yeniyetmə şübhəli şəxs qismində tutularaq istintaqa cəlb edilib.
Visiontv.az
