24.011.2020
Axtar
Gündəlik
alt

ABŞ-ın Azərbaycandakı səfirliyi amerikalılara xəbərdarlıq etdi - "Gərginlik artır..."

ABŞ-ın Azərbaycandakı səfirliyi Amerika vətəndaşlarına xəbərdarlıq edib.

Visiontv.az xəbər verir ki, bu barədə məlumat səfirliyin rəsmi saytında yerləşdirilib.

Səfirlik ABŞ vətəndaşlarını ehtiyat tədbirləri görməyə çağırıb: "Yaxın Şərqdə gərginlik artır. Bu, xaricdəki ABŞ vətəndaşları üçün təhlükə yarada bilər. Bu səbəbdən səfirliyin personalı səfərləri minimuma endirmək barədə göstəriş alıb".

Amerikalılara öz ətraflarına diqqət yetirmək, turistlərin toplandığı yerlərdə sayıq olmaq, şəxsi təhlükəsizlik tədbirlərini gücləndirmək, sənədləri əlçatan yerlərdə saxlamaq tövsiyə edilib.

Bundan əlavə, fövqəladə vəziyyətdə ABŞ səfirliyinin və ABŞ Dövlət Departamentinin telefonlarına zəng etmək tövsiyə olunub.

Eurasia Diary

Şərh