23.011.2019
Axtar
Rəhbərlik

Stat: Biz Sahibkarların uğuru, inkişaf etmiş cəmiyyətimizin göstəricisidir. Bu səbəbdən fərdi uğurmuz qədər cəmiyyətin uğuru üçündə çalışmaqdayıq.

Həyatı

Elvin Miribadət oğlu ABBASOV, 1982-ci il iyul ayının 13-də Cəlilabad şəhərində ziyalı ailəsində anadan olmuşdur. Orta məktəbi 5-ci sinifə qədər Naftalan şəhərində oxumuş, orta təhsilinin qalan hissəsini Türkiyə Respublikasının Trabzon şəhərində bitirmişdir. Türkiyədə  yaşadığı müddətdə Türkiyənin tanınmış şirkətlərində komputer mühəndisi, şöbə müdiri və direktor olaraq fəaliyyət göstərmişdir.

2006-cı ildə vətənə qayıdaraq ilk öncə Fərdi Sahibkar olaraq -Fiziki şəxs kimi qeydiyyatdan keçmişdir və daha sonra “İNTERLAND Company” MMC adlı şirkətləri təsis etmişdir. 2009 – 2013 illərdə “Salam Nyus” İA MMC-də texniki direktor və direktor vəzifəsində çalışmışdır. 2013 ildən "Vision TV" MMC şirkətini təsis edib. 2015-ci ildə “Bələdiyyələrin vahid ödəmə sistemi”ni yaradaraq bu sistemə 36 bələdiyyə və 11 Payment şirkətini qoşmuşdur.

 

2015-ci ildə “Sərmayənin Milliləşməsi” və eyni zamanda bu sahədə “Milli internet resuslarının yaradılması” fikrini təbliq edərək bu istiqamətdə milli sosial şəbəkəsini yaratmışdır. Milli internet resurslarının ölkə üçün əhəmiyyət kəsb etdiyi barədə sıx-sıx mətbuatda məqalələri yayımlanmışdır.

2017-ci ildən etibarən  “Virtual Azərbaycan Group of Company” MMC şirkətində Direktor vəzifəsinə keçərək IT sahəsində bir neçə uğurlu dövlət layihələrinə imza atmışdır. 2018-ci ildə həmtəsisçilərlə “TimeSoft” MMC-nin Fəaliyyətini başladaraq Azərbaycanda 4 məhsul üzrə internet platformaları yaratma yolunda irəliləmiş və  ilkin nəticələri öz bəhrəsini vermişdir. Ofis Menecment, Agro Menecment, Agro Birja və Agro TV-nin  fəaliyyəti 2019-cu ildən başlamışdır.

 

Ailə həyatı

Evlidir, Mədinə və Məryəm adlı 2 qız övladı atasıdır. Böyük qardaşı Sahil ABBASOV, Anası Rəfiqə ABBASOVA, Atası Miribadət ABBASOV Mirzağa oglu, Babası Mirzağa Mirhəşim oğlu, Ulubabası Mirhəşim Mirabbas oğlu, şəcərəsi 4 imam Zeynelabidinə catmaqdadır.

Həyatı baxışı

Həyatını bilgi, inanc və cəsarət üstünə qurmuş, daima özünü yeniləyib təkminləşdirməklə həyata baxışını genişləndirmişdir.

Yaradacılığı və İdman həyatı

İnformasiya texnologiyalarının inkişafı ilə bağlı 90-dan çox məqalənin sahibidir. Bu məqalələrdən bir çoxu “313” jurnalının “Elm texnologiya”  bölümündə yayımlanmışdır. 300 dən çox bədii şeirin müəllifidir, şeirləri bir çox qəzet, jurnal və saytlarda yayımlanmışdır.

Sərmayənin Milliləşməsi konsepti” barədə müxtəlif informasiya agentliklərində 20-dən çox müsahibə vermişdir. IKT sahəsində bir çox yenilikçi ideyanın müəllifi və tədbiq edicisidir. Azərbaycanda   “Bələdiyyələrin Vahid Elektron Ödəmə Sistemi”nin ideya müəllifi və tədbiq edicisi, həmçinin “Myday milli sosial şəbəkəsi”nin yaradıcısıdır.

Türkiyyənin Trabzon şəhərində yaşadığı müddət ərzində Karate-Do idman növü ilə məşğul olmuşdur və 2000 – 2002-ci  illər ərzində  Trabzon şəhərində ilk dəfə “Aiki-Do” idman növü üzrə dərslər vermişdir.

 

Əmək Fəaliyyəti

  • “Art Computer”  ( 1-il Mühəndis, daha sonra Teknik Servis müdiri. Türkiyə, Trabzon 2000 – 2002 )
  • “Time Bilgisayar” ( Təsisçi və Direktor. Türkiyə, Trabzon 2002 – 2005 )
  • Elvin Abbasov ( Fərdi Sahibkarlıq Fəaliyyəti 2006-ci ildə başlanmışdır, Azərbaycan Bakı,2006-davam edir )
  • “INTERLAND COMPANY” MMC (Təsisçi. Azərbaycan  Bakı, 2007 – 2010)
  • “Arvento” ( Azərbaycan təmsilçisi, Bakı, 2008 – 2009 )
  • “SalamNews Informasiya Agentliyi” MMC (Direktor. Bakı, Azərbaycan 2009 – 2012)
  • "Vision TV" MMC – (Təsisçi. Azərbaycan, Bakı 2013- davam edir )
  • TUMİB üzvü və Mətbuat Kordinatoru (Azərbaycan, Bakı, 2014 – 2016 )
  • “Sərmayənin Milliləşməsi Konsepti”-nin təkilifi (Azərbaycan, Bakı 2015 )
  • “MyDay” Milli Sosial şəbəkəsinin yaradıcısı (Azərbaycan, Bakı 2015 )
  • “Bələdiyyələrin Vahid Elektron ödənişi Provayderi”nin yaradıcısı (Azərbaycan, Bakı 2015 )
  • “Azerbaycanın Sesi” Jurnalının Azərbaycan Təmsilcisi ( 21.03.2016 Etibarən təmsilçidir )
  • “Vision of Georgia” ( Təsisçi, Gürcüstan, Tiflis, 2017)
  • “Virtual Azərbaycan Group of Company” MMC ( Direktor, Azərbaycan, Bakı, 2017- davam edir )
  • “TimeSoft” MMC ( Təsisçi və Direktor, Azərbaycan, Bakı, 2018- davam edir )

 

Sərmayənin Milliləşməsi konsepti

Sərmayənin güclənməsi üçün sərmayənin milliləşməsi lazımdır, iqdisadi sabitlik ancaq bu yolla sabitliyini qoruya bilər. Bunun üçün istehlakçı iqtisadiyyatı yox istehsalçı iqtisadiyyatının mexanizimi sistemləşdirilməlidir. Sərmayənin milliləşməsi- konseptual mövzudur və bütün istiqamətlərdə bu yöndə islahatlar aparılması gərəkməkdədir. Təkminləşmənin ən fundamental amili intellektual sərmayənin güclənməsidir, yəni insan kapitalı. Təbii ki, sərmayənin milliləşməsi bir təfəkkür işidir, milli məsuliyyətlilik gərəktirir, Çünki düşüncə hadisənin təməlidir. İstehsal etməyən ölkə başqalarının qurduğu gələcək üçün işləməyə məcburdur. Bu səbəbdən ölkəmizdə dövlət sektorunda və sahibkarlıq fəalliyyətlərində azad fikirli insanlar intelektual yeniliyi dəstəkləməli, ekonomik strategiyasını müasir dünyanın tələblərinə uyğun, eyni zamanda milli şüurla təkminləşdirməlidir.

Sərmayənin milliləşmə strategiyası :

  • Öz əmək və istehsalatımızın gücü ilə bütün istiqamətlərdə məhsuldarlığının və eyni zamanda keyfiyyətinin artırılması müstəqil iqdisadiyyat üçün ən böyük amil və milli iqdisadiyyat modelidir.
  • Bu Milli inkişaf mexanizimi müstəmləkəçi ölkələrə qarşı iqtisadi müharibədə müdafiə qalxanı yaradır.
  • Beynalxaq təcrübədən yararlanmaq və bu təcrübənin mənimsəmə prosesi icra edilən layihələrdə yerli şirkətlərin və mütəxəsislərin iştirakı mütləq şərt olmalıdır. Eyni istiqamət üzrə növbəti layihə yerli şirkətlərə verilərək yerli mütəxəssislərin bilik və təcrübəsinin təkminləşmə mexanizmi yaradılmış olacaqdır.

Ölkədə tətbiq edilməyə çalışılan yeni layihələrin qurulması üçün bəzi hallarda xarici təşkilatların və şirkətlərin bilik və təcrübəsindən yararlanmaq məqsədi ilə böyük layihələr xarici şirkətlərə verilir. Böyük miqdarda məbləğlər bu istiqamətdə xərclənir, bu prosesdə yerli şirkətlərin iştirakı ya olmur, yada fəhləlik olur.

Bu öz-özlüyündə sərmayənin milliləşməsinə zidd bir prosesdir. Yerli şirkətlərin təcrübəsinin artırılmasına və mütəxəssislərin inkişafına dəstək olaraq hər dövlət layihəsinin xarici şirkətlərə verilməsi halında belə yerli şirkətlərə bilik və təcrübə qazandıracakq bir mexanizim yaradılmalıdır və əsas şərtlərdən biri isə hər bir layihənin yerli şirkətlərin üzərindən aparılması, hətta xarici şirkətlərə yerli şirkətlərin baş iştirakçısı olma şərti ilə verilməlidir. Bu mexanizm yerli şirkətlərin təcrübəsinin artmasında və mütəxəssislərin yetişməsində böyük rol oynayacaqdır. Sərmayənin milliləşməsində aparıcı sahələrin (neft və aqrar sektor, turizm, sənayelərin və IKT sahəsi ) brendləşməsi, bu brendlərin xarici bazarda rəqabət prosesinə qoşulması ilə  sərmayənin çölə axınının qarşısını alıb tam əksi prosesə başlamalıyıq, xarici sərmayəni ölkəyə cəlb etməliyik.

Maliyyə sektorunda Milli internet resursların əhəmiyyəti

Azərbaycanda diqqəti milli internet resurslarına çəkmək üçün milli sosial şəbəkə yaratdıq,  dünyada ən böyük maliyyə mənbəyinə çevrilən internet gəlirləri xüsusən də sosial şəbəkələr üzərindən axan milyonlar bizi bu istiqamətdə diqqətimizi çəkməyə məcbur etdi. Ölkəmizdən də hər ay milyonlarca manatın bu istiqamətlə ölkədən çıxması ciddi narahatçılığa səbəb olur. Milli sərmayənin bu yolla ölkədən çıxması şübhəsiz ki, ölkəmiz adına bizi məsuliliyətliliyə cəlb etdi. Təkcə milli sosial şəbəkə olaraq yox, milli resurslara dövlət qayğısı istəyirik. Çünki hazırki dövr internet dövrüdür. Hər bir ölkənin özünəməxsus milli resursları var. Biz sərmayənin milliləşməsi üçün milli resurslar yaratmalıyıq. Bildiyiniz kimi, internet istifadəsi ölkə daxilində yerleşsən resurslar üzərindən olarsa, internet qiymətlərinin ucuzlamasına mütlək təsiri olacaqdır. Bu da vətəndaşların büdcəsinə xeyir verəcək. Yəni milli resurslardan həm vətəndaşlar, həm də dövlətimiz qazanacaq. Bu istiqamətdə milli brendlər yaratmalı, mütəxəssislərimizi inkişaf etdirməliyik. Yerli mütəxəssislərin yaratdıqları məhsulların milli brend halına gəlməsi və onların qlobal səviyyədə istifadə olunmasının ölkəmiz adına həm prestijini, həm də digər bir çox avantajlarını sadalamaq olar. Sosial şəbəkələrə ölkəmizdə reklam üçün xərclənən pulları milyonlarla ölçmək olar. İstər sərmayənin milliləşməsi yolunda, istərsə də milli resursların həm brend halına gəlməsi, həm də qiymətlərə təsiri baxımından düşünsək, hər bir Azərbaycan vətəndaşının şüurlu olaraq milli resursları istifadə etməsinin ölkəmizin xeyrinə olduğunu düşünürəm. Daha bir çox səbəblər də əlavə etmək olar ( təhlükəsizlik, gizlilik, milli etik dəyərlərin qorunması və s.. kimi .) İstənilən bütün perspektivlərdən baxıldığında bizim hər birimiz fərd olaraq milli resursların istifadəsini təbliğ etməliyik. Misal olaraq, Almaniyanın Facebooku ölkəsindən qazandığı pulların vergisini vermədiyi üçün məhkəməyə verməsi, Rusiyanın özünün sosial şəbəkələri yaratması və ya Çin-nin digər ölkələrə məxsus şəbəkələrə qapıların bağlaması iqtisadi və milli təhlükəsizlik baxımından düşünmək olar.

 

Şərh