Türkiyə kəşfiyyatının uğurlu əməliyyatı
11.05.2020

İtalyan vətəndaşın azad edliməsi əməliyyatı dünya mətbuatının gündəmində.

Visiontv.az xəbər verir ki, bu barədə məlumatı “Anadolu” yayıb. Türkiyə Milli Kəşfiyyat Təşkilatı (MİT) Keniyadan qaçırılaraq Somaliyə aparılan İtaliya vətəndaşını xilas edib.


Məlumata görə, 2018-ci ilin noyabr ayında Keniyanın Çakama bölgəsindən Somaliyə qaçırılan 25 yaşlı italiyalı Silvia Konstanzo Romano üçün İtaliya rəsmiləri Türkiyə kəşfiyyatına müraciət edib. Bununla əlaqədar MİT hələ ötən ilin dekabr ayında araşdırmalara başlayıb. MİT bölgədəki yerli kəşfiyyat şəbəkəsi vasitəsilə öncə S.K.Romanonun sağ olduğunu müəyyənləşdirib.


Somali və İtaliyanın müvafiq qurumları ilə koordinasiyalı aparılan araşdırma nəticəsində MİT tərəfindən xilas edilən S.K.Romano paytaxt Moqadişoda italiyalı rəsmilərə təhvil verilib. Bu hadisə İtaliya mətbuatında Türkiyənin bölgədə güclü təsirə malik olmasını yenidən aktuallaşdırıb.
Türkiyə kəşfiyyat əməkdaşlarının italyan qadına geyindirdiyi göytürkcə “türk” yazılı bədən zirehi də diqqət çəkib.