Ukraynanın xarici işlər naziri Dmitri Kuleba GORDON nəşrinin təsisçisi Dmitri Qordona müsahibəsində ilk Rusiya banklarının SWIFT sistemindən çıxarılmasına dair Avropa İttifaqı ilə danışıqları “Armageddon” adlandırıb.
"Mənim ən dramatik onlayn danışıqlarım Avropa İttifaqının Xarici İşlər Naziri ilə Rusiya banklarının SWIFT-dən ayrılması ilə bağlı idi. Bu, Armageddon idi" dedi.
Kulebanın sözlərinə görə, o zaman Aİ-də Ukraynaya müdaxiləyə görə Rusiyaya qarşı sanksiyaların tətbiqi məsələsində onlar “az qan tökməklə” keçinməyə çalışırdılar. Kuleba deyir ki, buna görə Avropa İttifaqından olan həmkarları ilə qarşıdurmaya girməli olub.
“Mən birbaşa qarşıdurmaya girməli oldum, yəni həmkarlarımı adlarını çəkərək dedim ki: “Siz Brüsseldə, sakit zalda oturub burada şəhərləri təyyarələrdən bombalayanda və insanlar öləndə necə davranırsınız? "Danışıqlarım "sizin vicdanınız varmı?" sualına gəldi və sonunda vicdan göründü. Onlar çox sərt, könülsüz, lakin ilk Rusiya banklarını SWIFT sistemindən ayırdılar", - nazir bildirib.
visiontv.az