Bağla
Axtarış sözünü daxil edin
Kreml nümayəndəsi Türkiyənin xarici işlər naziri Mövlud Çavuşoğlunun Kiyevin Rusiyanın Türkiyəyə “oğurlanmış Ukrayna taxılını” satması ilə bağlı açıqlamalarından sonra Ankaranın araşdırma apardığını və ittihamın həqiqətə uyğun olmadığını müəyyən etdiyini qeyd edən sözlərini belə şərh edib.
Rusiya prezidentinin mətbuat katibi Dmitri Peskov Kiyevin Rusiyanın Ukrayna taxılını oğurlaması ilə bağlı iddialarını təkzib edib. Belə ki, cümə axşamı jurnalistlərlə söhbətində o, Türkiyənin xarici işlər naziri Mövlud Çavuşoğlunun Kiyevin Rusiyanın Türkiyəyə “oğurlanmış Ukrayna taxılını” satması ilə bağlı bəyanatlarından sonra Ankaranın araşdırma apardığını və ittihamın doğru olmadığını müəyyən etdiklərini qeyd edən sözlərini şərh edib: " Bunu Xarici İşlər Nazirliyindən soruşmaq lazımdır. Rusiya heç bir taxıl oğurlamayıb".
Çavuşoğlu cümə axşamı Ukraynanın Ankaranın Moskvadan "oğurlanmış" taxıl alması ilə bağlı iddialarını rədd edib. O qeyd edib ki, Türkiyə bu cür iddiaları ciddi qəbul edib və araşdırma aparıb. Araşdırmanın nəticəsi olaraq alınan taxılın mənşəyinin Rusiya olduğu müəyyən edilib: “Lakin biz [oğurlanmış] Ukrayna mallarının beynəlxalq bazarda qeyri-qanuni satışına qarşıyıq və onların Türkiyədə satışına icazə vermirik”.
İyunun 3-də Ukraynanın Türkiyədəki səfiri Vasili Bodnar “Reuters”ə müsahibəsində “Türkiyə Rusiyanın Ukrayna ərazisindən ixrac etdiyi taxıl alan ölkələr sırasındadır” deyib.
Əli Əliyev
visiontv.az
