Bağla
Axtarış sözünü daxil edin
Həmədan şəhərindən olan bəhai dininə mənsub olan 6 qadın, barələrində çıxarılan həbs cəzasını çəkmək üçün şəhərin İnqilab Məhkəməsinin İcra Şöbəsinə çağırılıblar.
Bununla bağlı insan haqları təşkilatları məlumat yayıb.
Məlumata görə, Nida Mohebbi, Atifə Zahidi, Fəridə Əyyubi, Nura Əyyubi, Zərrindoxt Əhrarizadə və Jalə Rzayi ümumilikdə 38 il 11 ay azadlıqdan məhrum ediliblər.
Onlar "bəhai icmasına üzv olmaq" və "islam qanunlarını pozan təlim və təbliğat aparmaq"da günahlandırılıblar.
Bundan əvvəl İnqilab Məhkəməsinin çıxardığı qərarı Həmədan Apellyasiya Məhkəməsi də təsdiq edib.
Qeyd edək ki, hazırda İranda 300 mindən çox bəhai yaşasa da, İran Konstitusiyası bəhai dinini rəsmən tanımır.
İran Mədəni İnqilab Ali Şurasının qərarına əsasən bəhai təriqətinə mənsub olanlar ölkədə vətəndaşlıq hüququ olmayan insanlar sayılırlar.
visiontv.az
Yaponiyanın Okinava və Kaqosima hava limanlarında qasırğa səbəbindən 470 reys ləğv edilib
