Sitat: “Ermənistan cəmiyyəti və hakimiyyəti kifayət qədər yaxşı başa düşür ki, bir müddət öncə baş verən hadisələr (İkinci Qarabağ müharibəsi – E.M) regionda təhlükəsizliyin və etimadlı münasibətlərin yaranmasına xidmət edə bilər.

Hazırda Ermənistanda, aralarında millətçilərin də olduğu müxtəlif siyasi qruplar var və onlar istədikləri bəyanatı verə bilərlər. Amma mən hər kəsi Ermənistanın hakim partiyasının, hökumətinin, baş nazirin ofisinin, parlamentin bəyanatlarını dinləməyə çağırıram. Onlar aydın şəkildə bəöyan edirlər ki, revanşizm və qisas almaq məqsədi daşıyan istənilən hərbi fəaliyyəti nə Ermənistan, nə də erməni xalqı istəmir.

...Tərəflər (Ermənistan və Azərbaycan – E.M.) kim birincidir, kimin tarixi əraziləri olub kimi əbədi müzakirələrə qayıtmadan irəliyə baxmalıdırlar. Ona görə ki, bildiyiniz kimi, erməni xalqının nümayəndələri tarixi xülasələrdən və qədim yazıçılarıdan nümunə gətirməyi yaxşı bacarırlar. Mən buna qayıtmağı istəmirəm. Çünki 30 il bununla məşğul olmuşuq və  nəticədə müharibə baş verib.

Qeyd edim ki, daha öncə Ermənistanın ilk prezidenti Levon Ter-Petrosyan və Ermənistan parlamenti sədrinin müavini Lena Nazaryan da oxşar tezislərlə çıxış etmişdilər. Nazaryan bəyan etmişdi ki, ermənilərin bir hissəsinin Qarabağ müharibəsində məğlubiyyətə görə revanş götürmək arzusu reqressiv (gerilikçi) və ziyanlıdır və bunun əvəzində Azərbaycanla uzunmüddətli və hətta daimi sülh əldə etmək lazımdır.

Əslində revanşçı qüvvələrin Ermənistanda dəstək görmədiyi göz qabağındadır. İnsanlar “birləşmiş müxalifət”in təşkil etdiyi, Köçəryan-Sarqsyan klanının isə pərdəarxası dəstək verdiyi etiraz aksiyalarına qoşulmaq istəmirlər. Paşinyan isə revanşçı qüvvələrin əl-qolunu bağmaq üçün “Məhkəmə Məcəlləsi”nə əlavə və diyişiklikləri müzakirəyə çıxarıb. Dəyişikliklər, əsasən həbs-qəti imkan tədbirinin seçilməsi ilə bağlı hakimlərin sayının artırılmasına xidmət edir.
İndiki şəraitdə revanşçı qüvvələrin yeganə şansı növbədənkənar parlament seçkiləri və bu seçkilərin Nikol Paşinyanın baş nazirliyi ilə keçiriləcəyi perspeltivi ilə barışmaqdır. Çox güman ki, həbs-qəti imkan tədbiri seçən hakimlərini dayının artırılmasından sonra, Nikol Paşinyanın seçki dövründə öz postunda qalmasına imkan verən dəyişikliklər, yaxud yeni konstitusiya qanunun qəbul edilməsi gündəmə gələcək. İndiki şəraitdə, hakimiyyətin etiraz aksiyaları ilə dəyişdirə biləcəyi isə real görünmür.

Visiontv.az