Diplomatımız erməni mahnısı oxuyan müğənniyə şillə vurdu - Gürcüstanda skandal hadisə
17.01.2020

Azərbaycanın Tbilisidəki baş konsulu Vüqar Məmmədov Tbilisidə "Qəbələ" Azərbaycan restoranının müğənnisi Afiq Novruzovu erməni mahnısı oxuduğu üçün onu və onu müdafiə edən ermənini döyüb.

Visiontv.az xəbər verir ki, mahnı "Fidain" adlanır və Qarabağda vuruşan ermənilərə həsr olunub. Əslən Qarabağlı olan və erməni dilini bilən Vüqar əvvəlcə musiqiçilərə onların kim olduğunu xatırladaraq mahnını kəsməyi tələb edib. Müğənni etiraz edəndə isə ona bir şillə vurub.

Əldə etdiyimiz məlumata görə, adı çəkilən müğənni erməni ilə birlikdə Gürcüstanın dövlət orqanlarına şikayət edərək Vüqar Məmmədovun diplomatik fəaliyyətinə son verilərək Gürcüstandan qovulmasını istəyir. Məsələ ilə bağlı Xarici İşlər Nazirliyinə sorğu ünvanlamışıq. 

Eurasia Diary