Bakıda bıçaqlı şəxs insanlara hücum etdi - VİDEO
Videonu Aç
22.01.2020

Bakının Nərimanov rayonunda xuliqanlıq zəmnində hadisə baş verib.

Visiontv.az APA-ya istinadla xəbər verir ki, Əhməd Rəcəbli küçəsində yerləşən “Karvan Pub”da mübahisə düşüb.

Mübahisə zamanı orta yaşlı şəxs (şəxsiyyəti hüquq mühafizə orqanlarının əməkdaşları tərəfindən müəyyənləşdirilir) iaşə obyektindən çölə çıxaraq əlbəyaxa dava edib. Daha sonra o, 90-PC-375 dövlət qeydiyyat nişanlı “Khazar” markalı avtomobildən bıçaq götürərək digər insanlara hücum edərək nalayiq sözlər işlədib.

O daha sonra “Khazar” markalı avtomobilə minərək ərazidən uzaqlaşıb. 

Əraziyə Nərimanov Rayon Polis İdarəsinin əməkdaşları gəlib. Şahidlərin izahatı alınıb. Həmin şəxsin axtarışına başlanılıb.