Almaz Ələsgərli efirdə erməni mahnısı oxudu - VİDEO
14.08.2020

Əməkdar artist Almaz Ələsgərli erməni müğənninin repertuarına müraciət edib.

Visiontv.az “kulis.az”a istinadən xəbər verir ki, Əməkdar artist erməni bəstəkarı Vigen Şakaryanın bəstələdiyi və Artur Amiryanın ifa etdiyi “Da zdravstvuet lyubov” adlı mahnını şoumen Emil Heydərovla birlikdə ifa ediblər.

Yaranan müzakirələrdən sonra Əməkdar artist efirdə erməni mahnısı səsləndirməsinə münasibət bildirib.
Sənətçi "ölkə.az"a açıqlamasında ifa etdiyi mahnının ermənilərə deyil, bizə məxsus olduğunu deyib.

"Mən bu haqda bir kəlmə deyəcəm. O da həmin repertuarın ermənilərə yox, bizə məxsus olmasıdır. Onsuz da ömür boyu ermənilər hər şeyi bizdən oğurlayıblar. Mahnı da bizə məxsusdur".

Qeyd edək ki, müğənni sözügedən mahnını Atv, Xəzər kanallarında ifa edib.