Bağla
Axtarış sözünü daxil edin
Başda Goranboy Rayon Mərkəzi Xəstəxanasının tibb işçiləri olmaqla bütün səhiyyə işçilərini peşə bayramı münasibətilə ürəkdən təbrik edirəm.
Azərbaycan Respublikasının Prezidenti İlham Əliyevin səhiyyə sahəsinə diqqət və qayğısı nəticəsində nəinki paytaxt Bakıda, bölgələrdə də müasir tibb mərkəzlərinin yaradılması, köhnə tibb ocaqlarının təmir olunaraq müasir avadanlıqlarla təmin edilməsi tibb müəssisələrinin fəaliyyətinin yaxşılaşdırılmasına, ümumilikdə tibbi xidmətin müasir tələblər səviyyəsinə qaldırılmasına yeni imkanlar açıb. Prezident İlham Əliyevin rəhbərliyi ilə səhiyyə sisteminin təkmilləşdirilməsi, onun maddi-texniki bazasının möhkəmləndirilməsi istiqamətində mühüm işlər görülüb. Son illərdə ölkəmizdə yüzlərlə tibb müəssisəsi tikilib və ya əsaslı təmir edilib. Bu sahədə aparılan ardıcıl islahatlar səhiyyə sisteminin yeni, müasir mərhələyə qədəm qoymasına hərtərəfli zəmin yaradıb. Təqdirəlayiq haldır ki, səhiyyə sahəsinin inkişafı ilə bağlı icra olunan layihələr respublikanın bütün bölgələrini əhatə edib.
Goranboy Rayon Mərkəzi Xəstəxanasının inşası da bu qəbildən olan tədbirlərdəndir. Bu cür müasir xəstəxana və tibb ocaqlarının inşası, ilk növbədə, vətəndaşların sağlamlığının qorunması, onların müayinə-müalicə işini yüksək səviyyədə qurmaq üçün atılan addımlardandır. Bu xəstəxanaların müasir, son texnoloji yeniliklərə əsaslanan avadanlıq və qurğularla təchiz olunması ölkəmizin ümumi inkişafının göstəricisidir. Bütün bunlar sübut edir ki, səhiyyə sisteminin təkmilləşdirilməsi Azərbaycanda həyata keçirilən dövlət siyasətində prioritet məsələ kimi daim diqqət mərkəzindədir və sosial siyasətdə mühüm yer tutan səhiyyə islahatları uğurla, həm də məqsədyönlü şəkildə davam etdirilir.
Bu gün Goranboy Rayon Mərkəzi Xəstəxanasının tibb işçiləri koronavirus pandemiyası ilə mübarizədə əhalinin sağlamlığının qorunması, onlara tibbi yardımın göstərilməsi, sağlamlıqlarının mühafizəsi məqsədilə şərəflə öz vəzifə borclarını yerinə yetirirlər. Bu çox şərəfli və fədakar fəaliyyətlərində mən bütün Goranboy Rayon Mərkəzi Xəstəxanasının heyətinə möhkəm cansağlığı, uzun ömür arzulayır, bütün həkimlərimizə xoşbəxtlik və əmin-amanlıq diləyirəm.
Uca Tanrı Sizi qorusun !
Visiontv.az
